Kryetari i Partisë së Lirisë, Ilir Meta, është shprehur se punonjësit e administratës në Shqipëri janë nën presion poshtërues nga shefat e “Rilindjes”.
Deklaratën e bëri gjatë një takimi me shtabin elektoral të Tiranës, ku porosity të pranishmit që të jenë në çdo lagje, me të afërmit dhe kolegët e tyre, për t’i prezantuar programin e koalicionit “Bashkë Fitojmë” për zgjedhjet e 14 majit.
Meta tha se kryeministri Edi Rama ka në krye të bashkive 61 “pastruesa” (duke nënkuptuar historinë e zyrtares së Kryeministrisë me pastruesen Rozeta Dobi) që i kanë mbushur xhepat me para.
“Ajo që e mbron Shqipërinë tani është vota dhe shqiptarët e ndershëm dhe patriotë. Çdo sekond ta kalojmë me atë afërmit tanë, me kolegët tanë, edhe me punonjësit e administratës që janë në një presion shumë poshtërues nga shefat e rilindjes, për t’ju kontrolluar lirinë e tyre. Siç e dini fjala e lirë është me e kërcënuara në këtë vend dhe duhet të paguajmë 110 milionë euro për Becchettin, sepse qeveria kërkoi të mbyllte televizionin Agon Channel.
Qeveria nuk ka problem me pronarët e medias, por me lirinë e shtypit. Është kjo liri që po vjen që e tmerron këtë qeveri dhe prandaj bën veprime kaq bullizuese ndaj gazetarëve, sipërmarrësve, etj. “Në vendin tim, në vendin tënd, një i çmendur të gjithë i çmend”, thoshte Dritëroi. Kësaj koke të çmendur që mendon se në të gjtthë Shqipërinë ka 61 pastruesa… Kështu i ka kudo ky kukullat e tij, që nuk pranojnë të dalin në debat me kadnidatët tanë. Edhe kanë të drejtë se sim und të dalë ai i Elbasanit me Luçiano Boçin. Apo ajo e Durrësit me Igli Carën.
Apo ky tjetri të dalë me Belon. Belo me program, Belo del live, ai regjistron kaseta. Ai vazhdon 5 muaj jashtë dhe këtej dalin kronikat e paguara nga inceneratori i Tiranës. Belo po tregon Tiranën e vërtetë dhe programin e tij për t’i dhënë fund vjedhjes kriminale në Tiranë. Qenka e majtë thonë këta që janë gjoja socialist”, u shpreh Meta.
