Një 27-vjeçar nga Peqini, i cili rezulton i shpallur në kërkim pasi ka kundërshtuar punonjësit e policisë, është vënë në pranga nga uniformat blu.
Mësohet se i arrestuari është shtetasi Adi Meçja, të cilin Gjykata e Shkallës së Parë Tiranë e ka dënuar me dy muaj burg.
“Specialistët për Hetimin e Krimeve të Komisariatit të Policisë Peqin, si rezultat i shkëmbimit të informacioneve me shërbimet e DVP Tiranë, për vendndodhjen e një shtetasi të shpallur në kërkim, kanë lokalizuar dhe kapur shtetasin Adi Meçja, 27 vjeç, banues në Peqin.
Ky shtetas ishte shpallur në kërkim pasi Gjykata e Shkallës së Parë Tiranë e ka dënuar me 2 muaj burgim, për veprën penale “Kundërshtimi i punonjësit të policisë së rendit publik””, njofton policia.
Veprimet e mëtejshme procedurale do të kryhen nga strukturat e DVP Tiranë
