Napoli është një ndeshje larg zyrtarizimit të titullit kampion. Skuadra e Luciano Spalletti këtë sezon ka dominuar çdo kundërshtarë në Serie A, ndërsa udhëheq me diferencë të madhe pej 18 pikësh nga vendi i dytë që mbahet nga Lazio.
Spalletti është strategu i gjithë këtij suksesi të jashtëzakonshëm që po merr Napoli këtë sezon dhe si i tillë drejtuesit po bëjnë gati edhe shpërblimin për punën e bërë.
Ky do të jetë edhe titulli i tretë i napolitanëve në historinë e tyre dhe kjo gëzon pamasë drejtuesit.
Mes palëve po mendohet rinovimi, teksa kontrata aktuale e Spallettit përfundon në qershor të këtij viti. De Laurentis dëshiron që timonieri i skuadrës të rinovojë të paktën edhe për një sezon tjetër
. E gjithë kjo do të mund të diskutohet dhe të kopsitet në fund të kampionëtit, kur të gjithë do të jenë mjaftueshëm të qetë për të marrë vendimet e duhura.
