Bordi i karburanteve i ngritur nga kryeministri Edi Rama është shndërruar prej më shumë se një viti në një “hall” për xhepat e shqiptarëve dhe sot ka vazhduar talljen me qytetarët.
Ditën e sotme “Bordi i Ramës” vazhdon me çmimet abuzive të karburanteve në vendin tonë, duke vendosur që nafta të tregtohen me çmimin 172 lekë/ litër, pra vetëm 2 lekë më lirë nga vendimi para 5 ditesh. Gjithashtu benzina do të kushtojë 175 lekë/litër, kurse gazi do te shitet 66 lekë/litër.
Çmimi i naftës në bursën ndërkombëtare prej më shumë se disa muajsh është në “pikiatë”, kurse bordi i ngritur nga kryeministri Edi Rama abuzon dhe tallet me xhepat e shqiptarëve duke mbajtur çmimin e lartë të karburanteve në një kohë kur të gjithë po kërkojnë shfuqizimin e tij.
Operatorët e tregut pohojnë se nëse Bordi nuk do të ndërhynte, çmimet do të ishin të paktën 5-10% më lirë, pasi kompanitë do të ishin fleksibël të merrnin vetë përsipër rrezikun dhe të blinin më shumë sasi kur çmimi të ishte më i lirë në tregje, ndërsa tani janë të detyruar të bëjnë blerje në baza ditore për shkak të ndërhyrjeve të bordit.
Kujtojmë që opozita ka kërkuar “shkrihen” në mënyrë urgjente të bordeve të cilat etiketohen si “komuniste” pasi abuzojnë me çmimet në dëm të xhepave të qytetarëve.
