Personi që shihni në foton e mëposhtme është 51-vjeçari, Petrit Vuksani, i cili u ekzekutua me armë zjarri brenda banesë së tij, mesditën e kësaj të marte.
Ngjarja ka ndodhur në lagjen “Tom Kola” në Shkodër, ku dyshohet se autori ka hyrë brenda banesës kur Vuksani jetonte dhe e ka qëlluar me armë zjarri duke i marrë jetën.
Ende nuk dihen shkaqet dhe rrethanat e kësaj ngjarje të rëndë, ndërsa policia ndodhet në vendngjarje për zbardhjen e plotë të rastit.
Njoftimi i policisë:
Shkodër/Informacion paraprak
Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç.
Shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe po ushtrohet kontroll në zonë për kapjen e autorit të dyshuar.
Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.
