Motori i gjetur rreth 300 metra larg banesës së Edmond Haxhisë në fshatin Kakarriq të Lezhës dyshohet se nuk i përket autorëve të vrasjes së biznesmenit, Ardian Nikulaj.
Mjeti u gjet më 27 Prill në një përrua pranë banesës së Edmond Haxhiajt në fshatin Kakarriq të Lezhës, por dyshohet se është i ndryshëm me atë që u ka nga kamerat e sigurisë duke e drejtuar vrasësi portugez Ruben Saraiva.
Detajet që tregojnë mospërputhje janë targa e mjetit, mungesa e pasqyrave te motori i gjetur nga policia, forma e marmitës, etj.
Për këtë arsye policia po verifikon dhe ekzaminon imtësisht motorin e gjetur, për të konfirmuar nëse është apo jo i njëjtë me atë që përdori vrasësi.
Hetuesit po kalojnë në sitë karakteristikat e mjetit të blerë në Tiranë i cili mendohet të jetë përdorur për të kryer krimin, me atë të gjetur në lum 300 metra larg shtëpisë së Edmond Haxhisë.
Edmond Haxhia dyshohet të ketë pasur rolin e organizatorit, porositësit dhe financuesit të atentatit ndaj biznesmenit, krim i ndodhur mesditën e 19 prillit në lokalin e biznesmenit 51-vjeçar në Shëngjin.
