Një ngjarje e rëndë u shënua një ditë më parë në fshatin Breg-Shkozë të Vorës, ku 70-vjeçari Qazim Budlla, pas një zënke për motive të çastit goditi me sëpatë gruan e tij Vasilika Budlla, 68 vjeçe.
Ngjarja fatmirësisht nuk kishte viktima, ndërsa ditën e sotme është zbardhur dhe dëshmia e autorit.
Mësohet se i moshuari ka dhënë dëshmi kontradiktore në polici. Ai ka thënë para hetuesve se nuk mban mend shumë gjëra. Grupi hetimor dyshon se Qazim Budlla vuan nga probleme të shëndetit mendor, ndërsa gruaja ka qenë pre e dhunës edhe here të tjera nga i moshuari.
Gruaja është jashtë rrezikut për jetën, ndërsa është transportuar për ndihmë më të specializuar në Spitalin e Traumës. Ndihma e parë i është dhënë nga qendra shëndetësore e Fushë Krujës.
