Infermieri, Mikel Karina në një intervistë te ‘Panorama e Mëngjesit’ ka komentuar ‘plagën e emigrimit’ te bluzat e bardha, ku tha se këta të fundit largohen për një sërë arsyesh, duke filluar nga paga e ulët dhe presioni psikologjik që marrin në punë.
Karina tha se të gjithë infermierët por dhe pjesa e administratës duhet t’i nënshtrohen një testi psiko-social, pasi duhet folur për problematikat që ata përjetojnë në punë dhe të menaxhohen në mënyrë sa më të mirë.
Sakaq shtoi se infermierët përballen me një sërë problematikash nga puna, ku hera herës bëhen pjesë e situatave të cilët ata nuk i kanë për kompetencë dhe ‘fajtor’ në sytë e pacienteve, ku theksoi se dhe rastet e ryshfetit të bëra publike nuk janë të pranueshme pasi bluzat e bardha duhet t’i përmbahen kodit të etikës.
Intervista e plotë:
2000 mijë mësues do t’i nënshtrohen një testi psiko-social, a duhet ta bëjnë të gjithë këtë?
Jam dakord me këtë që thua, shpesh dhe ne diskutojmë këto problematika. Një test psiko-social do të ishte i dobishëm për të gjithë administratën, por jo vetëm të cekohej.
A lodheni nga ana psikologjike?
Cilat janë arsyet që i shtyjnë infermierët që të largohen?
Paga nuk është e vetmja arsye për të larguar, por dhe me lumturinë. Vjen nga një tërësi, jo se nuk është spitali i bukur apo dera e prishur. Pacientët kanë shpeshherë probleme me ne, dhe lodhja e përditshme psikologjike, profesioni ynë është i lodhshëm si profesion. Njeriu kërkon gjithmonë më të mirën, por varret çfarë kërkon. Kam shumë kolegë që kanë ikur, rreth 10 persona dhe nuk është pak për një periudhë 5 vite. Kanë shkuar në Gjermani, por jo të gjithë ndihen mirë. Të punosh në Gjermani nuk është e lehtë por të ndihmon të rritesh, jetesa ndihmon për të ndihmuar, pagesa ka një ndryshim të madh. Ne nuk kemi standard pagash si në vendet e tjera, ikin për cilësinë e jetës pasi kërkojnë më shumë nga vetja. Nuk ikin të gjithë për lek, por dhe për karrierë. Por ka dhe individë të kënaqur me jetesën jashtë.
Si i keni parë veprimet e kolegëve, kur marrin ryshfet etj?
Ne kemi një kod etik, që nuk lejohet më telefoni por dhe pacientëve në ambientet spitalore. Pasi mund të jetë për të filmuar në lidhje me babain e tij, por aty ka lënë një pacient tjetër që ka bërë arrest kardiak dhe e hedh në rrjete sociale, ndaj nuk lejohet. Ne kemi shumë kujdes me publikimin e ambienteve spitalore, privatësia është gjë shumë e madhe. Nëse publikon një person rastësisht, bëhet viral dhe meme, si rasti i Serbisë. Përdorimi i telefonit është vetëm një kamera që hapet, por sjell probleme të mëdha.
Si ndiheni kur bëheni viral në rrjete sociale? Në rastet kur merr ryshfet, a vuri mend?
Vuri mend është një thjeshtë fjalë, por ka ligjzbatues që merr masa dhe është kompetencë e spitalet. Por ne dalim shpeshherë jo vetëm për ryshfet por vetëm se i themi prit 5 min, nuk e di çfarë kënaqësie mori. Në urgjencë vijnë shumë njerëz, por kam përshtypje se spitali është i vetmi vend që njerëzit ulërasin, por nuk e ka fajin infermier se pse nuk të erdhi ambulance ty, apo se u vonove në trafik dhe të ulërasësh është një paradoks i madh.
Si mund t’i mbajmë infermierët këtu?
Unë kam qenë në Turqi, dhe u bë një pyetje se pse lëvizin infermierët kur paguhen mirë. Do të ketë gjithmonë lëvizje, dhe në Gjermani kanë ikur në Kanada. Çdo vend përjeton periudhën e tranzicionit, por plaga duhet të jetë e shërueshme dhe njerëzit duhet ta kuptojnë se çfarë duan.
