Demonstratat e “1 Majit” në Francë kanë nxjerrë në shesh qindra mijëra njerëz kundër reformave për rritjen e moshës së pensionit nga presidenti Emmanuel Macron.
Protestat në qytete si Parisi, Nantes, Lyon dhe Marsejë kanë degjeneruar në dhunë dhe të paktën 108 oficerë policie janë plagosur gjatë përleshjeve me protestuesit e zemëruar.
Ministri i Brendshëm, Gerald Darmanin, tha se një numër kaq i madh i të plagosurve nga radhët e policisë ishte jashtëzakonisht i rrallë, duke shtuar se 291 protestues janë arrestuar gjatë trazirave.
A petrol bomb engulfed a group of a police officers at a violent May Day demonstration in Paris, as protesters marched across France against President Emmanuel Macron’s controversial pension reform https://t.co/rlB4QotRaF pic.twitter.com/3e6cIC16lf
— Reuters (@Reuters) May 2, 2023
Shumica e tubimeve ishin paqësore, por grupet radikale hodhën bomba me benzinë dhe fishekzjarrë, ndërsa policia u përgjigj me gaz lotsjellës dhe ujë. Nuk dihet ende se sa protestues janë lënduar.
Kryeministrja Elisabeth Borne shkroi në “Twitter” se dhuna ishte “e papranueshme” , ndërsa vlerësoi gjithashtu “mobilizimin dhe angazhimin e përgjegjshëm” të demonstruesve në shumë qytete.
Kjo është dita e fundit e aksionit masiv kundër ndryshimeve që rrisin moshën e pensionit shtetëror nga 62 në 64 vjeç, reformë për të cilën sindikatat prej muajsh kërkojnë tërheqjen e Macron.
Ministria e Brendshme tha se numri i përgjithshëm i protestuesve në demonstrata ishte 782,000, duke përfshirë 112,000 në kryeqytetin Paris, por sindikata CGT thotë se shifra është trefishi i këtij numri.
Udhëheqësit e sindikatave ishin të bindur se kundërshtimi prej muajsh ndaj reformave nuk po zbehej.
“Faqja nuk do të kthehet për sa kohë që nuk ka tërheqje të kësaj reforme të pensioneve. Vendosmëria për të fituar është e paprekur”, –tha kreu i CGT, Sophie Binet.
