Një pallat vetëm për gra do të ndërtohet në Angli. Dailymail shkruan se ndërtuesit në Londër kanë fituar lejen për të ndërtuar një kullë banimi ku do të jetojnë vetëm gratë. Ajo do të ofrojë strehim të përballueshëm për gratë që s’kanë të ardhura të mjaftueshme, por pronari i objektit ka thënë se pallati do të jetë i hapur edhe për meshkujt që identifikohen si gra.
102 banesat do t’u jepen me qira grave beqare dhe do të ndërtohen në perëndim të Londrës nga Women’s Pioneer Housing (WPH), një shoqatë e themeluar në vitin 1920 si pjesë e lëvizjes për të drejtën e votës. Çdo shtëpi e përballueshme do të projektohet posaçërisht për gratë, nga ballkonet e thella, te sipërfaqet potencialisht pak më të ulëta të kuzhinës dhe vëmendje e kujdesshme ndaj ventilimit për të ndihmuar gratë në menopauzë.
Ndërsa zhvillimi u miratua, disa përdorues të Twitter shprehën zemërimin e tyre për ato që ata besonin se ishin plane ‘seksiste’. Megjithatë, shumë njerëz menduan se planet ishin një ide e mirë dhe vlerësuan zhvilluesit për realizimin e saj.
