Një deklaratë e pazakonte kjo e sotmja nga kryeministri Edi Rama, gjatë një takimi elektoral në Pogradec.
Kreu i qeverisë u bëri thirrje grave që ta ndihmojnë në këtë fushatë elektorale.
Ama tha se “gratë mund të na japin shumë më tepër sesa votën e tyre dhe unë jam i bindur që do na japin”.
Më tej, u bëri dhe një apel: turruni nëpër gjitone edhe burrë më burrë, koka mbrapa, çelësi mbyllur brenda!
“Në 14 Maj kam besim shumë të madh te gratë. Burrat të na japin atë votën e tyre faleminderit shumë ehe të vazhdojnë të luajnë dhe të kuvendojnë. Gratë mund të na japin shumë më tepër sesa votën e tyre dhe unë jam i bindur që do na japin. Kështu që nëse ndonjë nga ato shoqet a zonjat a quajeni si të doni që kanë burrat me mendjen e mbrapa ju thonë ‘po s’kam ç’ti bëj burrit se është shumë i djathtë’, do i thoni: Po mirë mo, thuaj si do dal unë nga shtëpia do marrësh rrugën do mbash radhë që të votosh Like floririn. Si? Se dhe atë tjetrin hajt më, po se ke fare në fletë votimi se ai ka ik dhe nga fleta e votimit. Po si tani, tjetri ikën nga fleta e votimit ti voton ta fusësh prapë? Ai ka ik nga fleta e votimit, s’është fare? Vjen vërdallë nëpër Shqipëri nën sqetullën e Like floririt. Ja ku u katandis partia e famshme e madhe, legjendare, demokratike. Në dorën e Like floririt. Aman o Like na merr me vete! Ku do shkojmë me Liken? Ku? Kështu që gratë e kuptojnë mirë këtë punë. Apo jo? Në rregull. Tani turruni nëpër gjitone edhe burrë më burrë, koka mbrapa, çelësi mbyllur brenda”, tha Rama.
Takimin e mbylli me këngën tallava që ka zgjedhur për këtë fushatë.
