Dy shtetas shqiptarë, 26 dhe 28 vjeç, u arrestuan nga karabinierët e stacionit Mortegliano të dyshuar për vjedhje nëpër shtëpi.
Në momentin e arrestimit ata mbanin në duar ende bizhuteri dhe xhevahire që sapo i kishin vjedhur.
Dy shqiptarët dhe një nga bashkëpunëtorët e tyre, u kapën në befasi nga një fqinj kur po dilnin nga banesa që kishin vjedhur. Pasi panë fqinjin, ata ia mbathën më këmbë, por u arrestuan nga policia – e thirrur në telefon nga dëshmitari – teksa ishin fshehur në bimësinë e arave aty pranë.
