Policia po vijon ende me hetimet për vrasjen e biznesmenit nga Lezha Ardian Nikulajt dhe ka shpallur në kërkim disa presona.
Mësohet se porositës i krimit ka qenë Edmond Haxhia. Vrasja e biznesmenit lezhjan dyshohet se është kryer për hakmarrje, pas përplasjeve të vazhdueshme të familjes së tij me fisin Lekstakaj. Këta të fundit janë shpërngulur nga banesat e tyre në zonën e Lezhës, dhe jetojnë prej vitesh në shtetin anglez.
Ndërkohë vrasës është një portugez i identifikuar si Ruben Saraiva, teksa u ndihmua nga 4 bashkëpunëtorë, shtetas britanikë, konkretisht, Harry Simson, Thomas Mithan, Steven Hunt dhe Harriet Bridgeman.
Vajza në foto është Harriet Bridgeman, anglezja e cila ishte pjesë e një grupi kriminal, i paguar për të vrarë biznesmenin 51-vjeçar Ardian Nikulaj.
Me origjinë nga Bristol, Harriet me rolin e vëzhgueses, akuzohet se së bashku me 5 persona të tjerë, se organizuan dhe ekzekutuan planin për vrasjen e Nikulajt në Shëngjin, 1 javë më parë.
