Kandidati i koalicionit “Bashkë Fitojmë” për Bashkinë e Elbasanit, Luçiano Boçi, gjatë takimit me pensionistët e qytetit i garantoi ata se nuk do të ndodhë që qeveria të kujtohet për ta vetëm në kohë fushate.
Ndaj në fokus të këtij takimi ishin pikërisht pensionistët, për të cilët Boçi theksoi se sot Elbasani nuk u kthen asgjë nga ajo që meritojnë, pasi institucionet kujtohen vetëm në kohë fushate.
“Pensionistët meritojnë mirënjohje dhe respekt! Me kënaqësi ndava bisedat dhe kafen e mëngjesit me zonja dhe zotërinj të nderuar, të cilët pas kontributeve dhe angazhimeve të tyre profesionale tashmë kanë dalë në pension. Elbasani sot nuk u kthen atyre asgjë nga ajo që meritojnë. Sot, pensionistët e kanë të kushtëzuar jetesën, shëndetin, ushqimin nga mbështetja e fëmijëve. Për institucionet ata ekzistojnë vetëm kur vijnë fushatat, përmes shpërblimeve të pakta, si joshje për t’ua marrë sërish votën. Bashkia vërtetë nuk e ka mundësinë të rrisë pensionet, por pushteti vendor ka gjithë hapësirën të lehtësojë jetën e tyre. Prandaj ne duam që pas 14 majit, Bashkia të mbështesë financiarisht transportin falas për pensionistët, të krijojë një ambient çlodhës në qendër të qytetit ku në shenjë solidariteti dhe mirënjohjeje kafja të ofrohet falas dhe më kryesorja të krijojmë një rrjet vullnetarësh të rinj, që ndihmojnë dhe shërbejnë të moshuarit për blerjen e ilaçeve dhe ushqimeve”, theksoi Luçiano Boçi.
Kandidati demokrat i dalë nga procesi i primareve për Bashkinë e Elbasanit, zhvilloi një takim me banorët e fshatit Balldren. Gjatë fjalës së tij më banorët, Boçi akuzoi bashkinë se i ka lënë pa mbështetje banorët e kësaj zone, duke i ndarë njerëzit në dy kategori, ata të qendrës dhe të periferisë. Gjithashtu Boçi u prezantoi banorëve edhe programin e tij ekonomik për fshatin dhe zgjidhjen përmes një tregu të sigurt për produktet bujqësore.
“Kjo bashki i ka ndarë njerëzit dy kategori, qendrës dhe periferisë. Në banorë që jetojnë në qytet dhe në fshat. Por ata të periferisë janë të barabartë me fshatin, se edhe përtej ke Orti (lokacion në km e parë të autostradës) nuk ka kanalizime, s’ka ndriçim. Dua ta nis nga ajo e programit ekonomik për ndërtimin e një stabilimenti për mbledhjen e produkteve bujqësore ne Elbasan, dhe kryesisht te vajit te ullirit, sepse këtu e marrë spunton. Kemi gati marrëveshjen që nënshkruajmë këto ditë me Feder-Italy. Për ngritjen e stabilimentit, për mbledhjen e produkteve bujqësore, kryesisht të vajit të Ullirit. Më në fund natyra u tregua gjeneroze pas shtatë vitesh, se unë e ndjek vetë ullirin, e kam pasion, thjesht pasion. Dhe pas shtatë vitesh investim, gjaku dhe djerse nga ju. Pas shumë vitesh më shumë se sa shtatë sepse subvencioni u ndërpre në vitin 2013. Si rezultat i tij një pjesë e madhe mbolli ullinjtë. Me subvencion, një pjesë me iniciativën e tyre dhe ja ku jemi sot, në një situatë që produktin e keni dhe s’dini ku ta çoni. Të më thotë dikush ku e ka çuar produktin? Dhe bashkia vetë të marri iniciativat të mbrojë njerëzit, produktin e vet, ta mbrojë edhe me certifikim absolut. Gjë që do ta bëjmë ne. Nuk thotë asnjë fjalë, lë ministren e bujqësisë që ti kritikoje njerëzit, ti shajë se kritika është e pranueshme, sharja është e pa papranueshme, plus që ambienti këtu kontaminohet nga Metalurgjia, por na duhen dhe plehrat të na kontaminojnë ujin tonë dhe kjo është e pafalshme. Vota është llogaridhënie, e thjeshtë”, deklaroi Boçi.
Po dje, ai kërkoi fikjen dhe mbylljen përfundimtare të inceneratorit të Elbasanit. Boçi shkruan se ky objekt është dënimi kolektiv me vdekje për qytetarët e Elbasanit nga një skotë e paskrupullit. Boçi thotë se kjo është gjurmë e një beteje të hershme mes tij dhe atyre që nuk pyesin për Elbasanin.
“Po i rikthehem tashmë me një mision të ri një beteje të vjetër! Si qytetar i Elbasanit, si përfaqësues i përhershëm I banorëve të këtij qyteti, si mbrojtës I të drejtës së tyre për tyre për jetë unë kërkoj fikjen dhe mbylljen përfundimtare të Inceneratorit të Elbasanit. Inceneratori i Elbasanit është dënimi ynë kolektiv me vdekje nga një skotë e paskrupullt. Kjo është një gjurmë e kësaj beteje të hershme mes meje dhe atyre që nuk pyesin për Elbasanin”, tha Boçi.
