Sipas mbajtësit të vulës së Partisë Demokratike Enkelejd Alibeaj, Edi Rama është më i mirë se Sali Berisha.
Deklaratën e bëri këtë të Enjte në Shkodër, në kuadër të një takimi elektoral.
“Edi Rama thotë vetëm përpara, kurrë mbrapa. Mesazhi i tij në fakt duket i vërtetë vetëm kur njerëzit e krahasojnë kryeministrin e vendit dhe qeverisjen e tij, qeverisjen skandaloze të tij, kur e krahasojnë me Berishën dhe Metën, të cilët janë regres absolut. Edhe subkoshienca u ka folur. Vetëm ekzistenca politike për 33 vite e Berishës dhe Metës e bën Ramën që të duket si një alternativë”, tha Alibeaj.
Një deklaratë e çuditshme kjo e Alibeajt, i cili trumbeton se Edi Rama është kundërshtar i tiji. Megjithatë me ato ç’ka artikulon gjatë fjalimeve të tij në fushatë elektorale, duket se përgënjeshtron veten.
Më shumë se kundërshtar, Alibeaj shfaqet si aleat i Ramës.
Nga ana tjetër, kryedemokrati Sali Berisha e ka cilësuar në vijimësi Alibeajn si vegël e kryeministrit Edi Rama.
