Thellohet bilanci i personave të vdekur në Kenia, të cilët jetën ia besuan një kulti fetar pasi shpresonin se do të shkonin në parajsë nëse nuk do të ushqeheshin. Sipas Ministrit të Brendshëm, Kithure Kindiki, numri i të vdekurve deri tani ka shkuar në 89.
Autoritetet kanë kryer zhvarrosje të varreve masive të gjetura në një zonë prej 800 hektarësh të pyllit Shakahola në Keninë lindore, ku ndodhej ‘Kisha Ndërkombëtare e Lajmit të Mirë’, shkruajnë mediat e huaja.
Shumica e të vdekurve u gjetën nga varret e cekëta, ndërsa një numër i vogël u gjetën të gjallë dhe të dobësuar, por më vonë vdiqën. Kulti u quajt ‘Kisha Ndërkombëtare e Lajmit të Mirë’ dhe udhëheqësi i saj, Paul Mackenzie, u arrestua pasi dyshohet se kishte dijeni për ekzistencën e varreve me trupat e të paktën 31 prej ndjekësve të tij.
Në fillim të këtij muaji, policia shpëtoi 15 anëtarë të grupit besimtarë në kishë, të cilëve ata thanë se u ishte thënë të vdisnin nga uria. Policia tha se 4 prej tyre vdiqën para se të arrinin në spital.
