azeta gjermane “BILD” ka zbuluar detaje nga ngjarja, ku një shqiptar 31-vjeçar mbeti i plagosur rëndë në një qebaptore në Hamburg.
Një dëshmitar ka folur për gazetën gjermane duke thënë se nëse do tregojë “do të jetë i plagosuri i radhës”.
Sipas ‘BILD’ krimi duket se është pjesë e luftës së mafias së drogës. Në artikullin e gazetës gjermane thuhet se ngjarja në Hamburg është një vazhdimësi e konflikteve mes bandave e nisur që në 8 gusht 2022, kur trafikanti Terry S u ekzekutua.
Artikulli i plotë:
Pas të shtënave të natës me një person të plagosur në rrezik për jetën në Reeperbahn, ka një mur heshtjeje.
Një burrë thotë: “Nëse them diçka, do të jem i radhës”.
Skena e krimit është midis teatrit të famshëm Davidwache dhe teatrit travesti “Pulverfass ” .
Është ora 1:08 e mëngjesit kur pasagjerët e një taksi me sa duket hyjnë në një qebaptore. Diskutim i ashpër mes katër personave dhe shqiptarit. Pastaj një i panjohur nxjerr një pistoletë dhe tërheq këmbëzën. Shqiptari (31 vjeç) në tavolinë qëllohet në stomak dhe bie përtokë i gjakosur.
Policia vendos në ndjekje të ‘Audit’, me të cilin u larguan të dyshuarit më shumë se dymbëdhjetë makina patrullimi. Policia federale po lëviz për të ofruar mbështetje. Qentë e shërbimit po përpiqen të gjurmojnë bandën.
Gjithçka nisi më 8 gusht 2022, kur trafikanti Terry S u ekzekutua. Një person e ka qëlluar në fytyrë dhe në zemër teksa ndodhej në një lokal. Më pas, më 21 shtator 2022, vjen akti tjetë, ku në një parking pas një fushe futbolli, qëllohet me armë Hulisi B, një këngëtar rep dhe futbollist amator. Ai u plagos rëndë. Më 10 janar të këtij viti persona të panjohur kanë sulmuar me armë një makinë luksoze Audi Q8, ku gangsterët e drogës Kaisar R. dhe Taylan T. të dy i kanë shpëtuar sulmit.
Ngjarja ka ndodhur në një qebaptore në Reeperbahn ku katër persona kanë debatuar fillimisht me të riun shqiptar, ndërsa njëri prej tyre nxori një pistoletë dhe e qëlloi në stomak. Gjatë arratisë me një makinë tip Audi, autorët janë përplasur me një makinë tjetër. Policia ka vendosur 12 makina në ndjekje, kurse shqiptari është dërguar me urgjencë në spital ku ka kryer dhe ndërhyrjen në klinikën në Shën Gjergj.
