Policia duket se ka rënë në gjurmët e autorëve të vrasjes së biznesmenit Ardian Nikulaj në lokalin e tij në Shëngjin.
Burimet mediatike ditën e sotme kanë zbuluar detaje të reja nga hetimi i krimit të rëndë ku u ekzekutua me 7 plumba Ardian Nikilaj. Bëhet me dije se policia ka shpallur në kërkim 5 persona, të cilësuar si pjesëtarë të një grupi të strukturuar kriminal për vrasjen e Nikulajt.
Mësohet se policia ra në gjurmët e të dyshuarve pas gjetjes së disa rrobave që besohet se janë përdorur nga autori i ngjarjes, ndërsa shtoi se po ashtu pjesë e grupit kriminal janë edhe shtetas të huaj.
Gjithashtu bëhet me dije se policia ka identifikuar një vajza që ka blerë motorin që është përdorur për ngjarjen kriminale.
Kujtojmë se besohet se ngjarja ka ndodhur për shkak të gjakmarrjes, por nuk përjashtohet mundësia që të ketë qenë edhe aktiviteti politik i Nikulajt, ajo që ka sjellë ngjarjen e rëndë.
