Kryekomisioneri Ilirjan Celibashi pranoi se posterat e Partisë Socialiste janë vendosur jashtë rregullave, por jo aq në kundërshtim sa të urdhërohet heqja e tyre.
Këtë të Martë u shqyrtua ankimi i koalicionit “Bashkë Fitojmë” të cilët kërkonin nga KQZ diçka tjetër.
“Mendoj që kjo është shkelje dhe në bazë të pikës pesë policia bashkiake duhet të garantojë zbatimin e këtij neni duke bërë heqjen e këtyre materialeve propagandistike”, tha përfaqësuesi i PL.
Por e vetmja shkelja që konstatoi Komisioneri Shtetëror i Zgjedhjeve nuk ishte as gjuha denigruese e as ajo seksiste siç pretendonte koalicioni, por fakti se në posterat gjigand nuk ishte vendosur dixhitura se përgjegjësia ligjore për vendosjen e tyre ishte e Partisë Socialiste, për të cilën kërkoi korrigjimin e materialeve propagandistike.
“Ndaj duhet vendosur brenda dy ditëve, në rast të kundërt do të urdhëroj heqjen e materialeve”, tha komisioneri.
Kësisoj, fushata me postera duket se do të vijojë, tashmë nga të dyja kampet pasi urdhri i KQZ-së ishte për të gjitha partitë që kanë filluar afishimin e tyre.
