Policia italiane ka arrestuar një shtetas shqiptar, pasi ka akuzohet se ka tentuar që të futet me forcë në banesën e ish-të dashurës së tij italiane.
Mediat e huaja raportojnë se 26-vjeçari pasi ishte zënë me ish-partneren, kishte kërkuar që të përballej me të, ndërsa kur ajo nuk ia kishte hapur derën, i riu kishte nisur të hidhte vazot e luleve në tokë. I riu u arrestua në zonën e San Donato, pasi një fqinj raportoi britmat që vinin nga banesa.
Kur mbërritën karabinierët, gjetën të riun në godinën e banimit, i cili po godiste me grusht derën shtëpisë sepse donte të hynte. Pavarësisht ftesës për t’u qetësuar, ai i ka sulmuar fillimisht verbalisht, më pas fizikisht dhe për ta ndalur kanë përdorur një spraj paralizues. I riu shqiptar tashmë do të duhet të japë llogari edhe për dëmtimin e tre karabinierëve.
Burimi: Ansa.it
