Një zjarr ka përfshirë një pallat mëngjesin e sotëm në rrugën Jordan Misja në kryeqytet.
Shtullunga e tymit ka mbuluar të gjithë zonën e Bulevardit të Ri, dikur një hapësirë e madhe e gjelbër ndërsa sot me “bekimin” e Erion Veliaj kjo lagje ashtu si çdo cep i Tiranës po shndërrohet në një zonë kaotike nën “pushtetin” betonit dhe pallateve shumëkatëshe.
Ende nuk dihet shkaku i zjarrit apo nëse ka të lënduar nga flakët. Në vendngjarje kanë shkuar mjetet zjarrfikëse si dhe autoritetet policore.
