Një i ri është plagosur me thikë në Balldre të Lezhës mbrëmjen e djeshme. Policia njoftoi këtë të Hënë arrestimin e autorit.
Sipas bluve, në pranga u vu Aleksandër Ramaj, 29 vjeç, banues në Balldre, i cili dyshohet se mbrëmjen e djeshme në Balldre, pas një konflikti të çastit për motive të dobëta, ka dëmtuar me mjet prerës (thikë), shtetasin A. K. 27 vjeç.
27-vjeçari i plagosur aktualisht po merr ndihmë mjekësore në spital dhe raportohet jashtë rrezikut për jetën.
I arrestuari akuzohet për veprat penale “Plagosja e rëndë me dashje” dhe “Prodhimi dhe mbajtja pa leje e armëve të ftohta”.
