Një 36-vjeçar i shpallur në kërkim nga autoritetet italiane për grup kriminal e trafik drogë, është vetëdorëzuar ditën e sotme në policinë e Tiranës.
Blutë bëjnë me dije se shtetasi Rako Plaku, banues në Yzberisht në Tiranë, është vetëdorëzuar në Komisariatin e Policisë Nr. 2, i cili ishte shpallur në kërkim ndërkombëtar, pasi autoritetet gjyqësore italiane kanë lëshuar ndaj tij, urdhër arrestin për veprat penale “Organizatë kriminale” dhe “Trafikimi i narkotikëve”. Në bashkëpunim me Interpol Tirana vijojnë procedurat për ekstradimin e tij.
Rako Plaku u arrestua në 2022 në Itali si pjesë e një grupi kriminal që sillte kokainë nga Amerika Latine në Europë, por nuk dihet si ëshë lënë i lirë. 36-vjeçari ishte pjesë e grupit të Ergys Dashit të vrarë në Ekuador në janar 2022.
