Skënderbeu dhe Dinamo siguruan matematikisht rikthimin në Superiore, ndërsa Flamurtari mund të arrijë diçka të tillë vetëm nëpërmjet Play Off.
Trajneri i njohur Agim Canaj tha në News 24 se korçarët e merituan elitën, ndërsa për dinamovitët u shpreh se pavarësisht oshilacioneve, kryeqytetasit ia dolën më së miri.
“Skënderbeu e meritoi më shumë se të gjitha ekipet që të shpallet kampione. Ne e dimë dominimin total të një dekade prej tyre. Unë mendoj se e meritoi plotësisht. Dinamo me shumë oshilacione, ia doli.
Flamurtari premtoi shumë, por u sfumua nga pankina. Situatat e tyre erdhën të tilla. Po të shikojmë Superioren, Dinamo peshon shumë, Skënderbeu ka një ekip me stabilitet. Edhe Flamuartari mund të ngjitet, por ka një malore përpara” – Tha ai.
