Një aksident i rëndë ka ndodhur në mesditë pranë fshatit Çiflig, në Korçë. Si pasojë e aksidentit kanë mbetur të lënduar dy vëllezër, të cilët janë dërguar me urgjencë në spital.
Njëri prej tyre vetëm 15 vjeç, i identifikuar si Rei Sherifi raportohet se ka ndërruar jetë në spital. Ndërkohë po trajtohet me ndihmë të specializuar mjeësore vëllai i tij, 21-vjeçari K. Sherifi, i cili drejtonte mjetin që ka përfunduar i shkatërruar në një kanal kullues.
Sipas informacioneve të para, makina me dy vëllezërit ka dalë nga rruga duke marrë përpara fillimisht barrierat anësore dhe më pas përfundoi në kanal.
Nuk dihen ende rrethanat e aksidentit, ndërsa policia ndodhet në vendin e ngjarjes dhe ka ngritur një grup hetimor.
Njoftimi i policisë:
Më datë 21.04.2023, rreth orës 12:05, në rrugën “Dishnicë-Çiflig”, shtetasi K. Sh., 21 vjeç, banues në fshatin Pojan, Maliq, duke drejtuar automjetin tip “BMW”, dyshohet se ka humbur kontrollin e drejtimit të automjetit dhe automjeti ka dalë nga rruga.
Për pasojë, janë dëmtuar drejtuesi K. Sh., i cili ndodhet nën kujdesin e mjekëve dhe shtetasi R. Sh.,15 vjeç, pasagjer në automjet, i cili pas mbërritjes në spitalin e Korçës, ka ndërruar jetë.
Grupi hetimor po kryhen veprimet procedurale dhe po punon për të përcaktuar shkaqet e daljes nga rruga
