Një ngjarje e rëndë ka tronditur qytetin e Laçit, ku një biznes është qëlluar disa herë me armë zjarri.
Nga raportimet mësohet se është qëlluar me rreth 30 plumba, ndërkohë në pamjet e publikuara nga BalkanWeb duken qartë shenjat e plumbave në të gjithë gjatësinë e dyqanit.
Fillimisht policia “fshehu ngjarjen” por pas publikimit në media, uniformat blu kanë reaguar në një njoftim duke theksuar se autori është identifikuar dhe shpallur në kërkim.
- Çfarë njofton policia?
“Në fshatin Gjorme, Mamurras, në fasadën e dyqanit në pronësi të shtetasit F. T. 36 vjeç, është qëlluar me armë zjarri ku si pasojë ka patur vetëm dëme materiale.
Falë veprimeve të shpejta hetimore profesionale të kryera nga grupi hetimor, është bërë i mundur identifikimi i autorit të dyshuar, por për arsye hetimi nuk bëjmë me dije gjeneralitetet e tij.
Vazhdojnë veprimet hetimore të thelluara nën drejtimin e Prokurorisë për dokumentimin e plotë ligjor të ngjarjes.”, njofton policia e Kurbinit.
