Një 26-vjeçar shqiptar, i identifikuar si Xhulio Shehaj, u kap duke kultivuar në një shtëpi në Cardiff, i detyruar për shkak të një borxhi prej rreth 20,000 £.
Më 13 mars 2023, policia britanike i gjeti atij në banesë 206 bimë kanabis.
Në gjykatë, avokati i tij tha se Shehaj kishte ardhur nga Shqipëria në Britaninë e Madhe në fund të vitit 2020 për shkak të problemeve të tij me borxhin dhe çështjeve të tjera që përfshinin anëtarët e familjes.
Ai u miqësua me shqiptarë të tjerë, të cilët e njohën me mundësinë e fitimit të parave përmes prodhimit të kanabisit.
Shehaj, i cili nuk ka vendbanim të caktuar, ishte i vetmi person i pranishëm në pronë në momentin e bastisjes. Shehaj, pa rekorde të mëparshme kriminale, u shpall fajtor.
