Komisioni i Apelit në FSHF ka vendosur të ndryshojë dënimin që ka dalë pak ditë më parë nga Komisioni i Disiplinës rreth dënimit që iu bë Egnatias për dhunë ndaj gjyqtarëve.
Kështu, rrogozhinasit do të luajnë vetëm ndeshjen e radhës në fushën e tyre, atë ndaj Laçit, pa praninë e spektatorëve dhe në fushë asnjanëse.
Ndërkohë, ndeshjet e tjera do të luhen në stadiumin e Rrogozhinës, po përsëri pa praninë e spektatorëve.
Vendimet e Komisionit të Apelit në FSHF, datë 19.04.2023
- Pranimin e pjesshëm të ankimit të Klubit të Futbollit Egnatia.
- Ndryshimin e Vendimit të Komisionit të Disiplinës dhe Etikës nr.32, datë 13.04.2023, pika 1 duke vendosur zhvillimin e vetëm 1 (një) ndeshjeje në fushë asnjanëse dhe pjesën e mbetur të ndeshjeve per sezonin futbollistik 2022-2023, pa spektatorë.
- Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.
