Gjykata e Posaçme Kundër Korrupsionit ka dhënë tre burgime përjetë, një me 15 vite dhe dy me nga 25 vite heqje lirie për 6 të akuzuarit për vrasjen e babë e bir në Elbasan, Gentian dhe Nezir Beqiri.
Ngjarja ka ndodhur me 15 gusht 2012 të ndodhur në qytetin e Elbasanit. Ardjan Çapja, Florenc dhe Jorgu Leku janë dënuar me burgim përjetë.
GJKKO dënoi me 15 vjet burg bashkëpunëtorin e drejtësisë Ervis Bardhi, ndërsa Prokuroria e Posaçme kishte kërkuar vetëm 6 vjet burg. Nga 25 vite burgim dha për Klaidi Dokolin dhe Etien Çanin.
- Ardian Çapja kërkoi pafajësinë, akuzat e SPAK-ut
Me një material prej 30 faqesh, Ardian Çapja kërkon pafajësi në Gjykatën Kundër Korrupsionit dhe Krimit të Organizuar. Sipas tij, ai nuk ka lidhje me vrasjen e Gentjan dhe Nezir Beqirit në Gusht të vitit 2012 në qytetin e Elbasanit.
Çapja pretendon se se prokuroria e Elbasanit ka montuar implikimin e tij në këtë ngjarje.
Hedh akuza edhe ndaj prokurorit Ritvan Suka që sipas tij ngjarjen e Shkurtit të vitit 2016 ku vranë dy familjarë të tij dhe u plagosën 8 të tjerë, nuk po e zbardh sepse është e përfshirë politika.
Në materialin e dorëzuar në Gjykatë, Ardian Çapja kundërshton të gjitha dëshmitë e bashkëpunëtorit të drejtësisë Eris Bardhi. Sipas Çapjas, Bardhi është instruktuar nga organi i akuzës në Elbasan me qëllim përfshirjen e tij në vrasje.
Por sipas SPAK, Çapja ka gisht si urdhërues në vrasjen e dyfishtë të Nezir dhe Gentjan Beqirit, ndodhur vite më parë në Elbasan.
