Moska mund të planifikojë të sabotojë turbinat e erës, tubacionet e gazit dhe kabllot e energjisë dhe të internetit në ujërat përreth Danimarkës, Norvegjisë, Finlandës dhe Suedisë.
Sipas shërbimeve të inteligjencës dhe ekspertëve të cituar nga media daneze DR Nyheder, anijet civile dhe ushtarake ruse po hartojnë infrastrukturën për të goditur në det të hapur.
Komunikimet detare të përgjuara zbuluan praninë e “anijeve fantazmë” në ujërat nordike, duke përfshirë anijen detare ruse Admiral Vladimirsky, e cila përdoret zyrtarisht për “kërkime detare”.
Anija besohet të jetë e përfshirë në punët e inteligjencës dhe u gjurmua në veri të gadishullit Sjællands Odde të Danimarkës.
Një gazetar dhe fotograf i DR iu afrua anijes me varkë dhe “disa burra me fytyra të mbuluara dolën përpara në kuvertë, duke përfshirë një burrë me uniformë të veshur me një jelek antiplumb të armatosur me një pushkë ushtarake ruse“.
Informacionet që dyshohet se po mbledh Moska mund t’i mundësojë Rusisë nisjen e sulmeve ndaj infrastrukturës së energjisë dhe komunikimit në rast të një konflikti më të madh me Perëndimin.
Danimarka, Norvegjia, Finlanda dhe Suedia kanë ofruar të gjitha ndihmë të konsiderueshme ushtarake dhe financiare për Ukrainën në luftën gjithëpërfshirëse të Rusisë kundër vendit ndaj duket se janë kthyer në objektiv të Kremlinit.
