Kryetari i Partisë së Lirisë, Ilir Meta, ka zhvilluar mesditën e sotme një takim në selinë e Partisë Demokratike, ku është pritur nga ish-kryeministri Sali Berisha.
Mësohet se pas takimit që nisi rreth orës 12:30 dhe zgjati rreth 30 minuta, Meta, i’u ka lënë takim mediave në selinë e PL.
Ndërkohë takimi me Berishë, vjen pak ditë pas nisjes zyrtare të fushatës elektorale që u mbajt në “Air Albania”.
Prej ditësh ish kryeministri Sali Berisha dhe kryetari i Partisë së Lirisë, Ilir Meta janë duke zhvilluar fushatë së bashku nëpër bashkitë e vendit.
Ditën e djeshme Meta e Berisha ishin në Gramsh ku prezantuan kandidatin e koalicionit “Bashkë fitojmë” në zgjedhjet e 14 majit.
