Enzo Alvesh tani është edhe zyrtarisht një futbollist i Spanjës. Talenti me origjinë braziliane, por i rritur në Spanjë, është grumbulluar me kombëtaren U15 të iberikëve, duke zgjedhur atë para vendit të origjinës ku babai i tij ka qenë një nga emrat më të njohur në dekadën e fundit,
Djaloshi në fakt është djali i mbrojtësit Marcelo, i cili për 15 vite me radhë veshi fanellën e Real Madrid duke u kthyer në një nga të futbollistët me të spikatur në futbollin botëror. Ndonëse ai u largua nga madrilenët në verë për të luajtur te Olimpiakos e tashmë te Fluminense, djali i tij ka vazhduar të luajë në akademinë e Realit dhe këtë sezon ka kaluar 100 golat e shënuar me fanellën e “los blancos” në moshat.
Ai është sulmues, ndryshe nga i ati dhe në këtë edicion, me 32 gola të shënuar është golashënuesi më i mirë i kampionatit të grupmoshës së tij në Spanjë. Kjo është arsyeja pse iberikët janë vënë në lëvizje për t’u siguruar që Enzo Alvesh të veshë fanellën e kuqe dhe jo atë të verdhë të “seleçaos” si i ati.
