Kryetari i Partisë së Lirisë Ilir Meta, është shprehur optimist për fitore në zgjedhjet e 14 Majit.
Përmes një postimi në rrjete sociale, Meta ka bërë thirrje që në 14 maj qytetarët të votojnë kandidatët e koalicionit “Bashkë Fitojmë”.
Meta gjithashtu thotë se fitorja në Elbasan me Luçiano Boçin do të jetë e sigurt.
Postimi i plotë:
Të gjithë të votojmë për fitoren e këtyre kandidatëve të mrekullueshëm dhe gjeografia e fitores sonë do të jetë e jashtëzakonshme, sepse i kemi kandidatët e jashtëzakonshëm, që nga Kukësi me profesor Admir Sinematin dhe deri në Sarandë me përfaqësuesin e mrekullueshëm të shoqërisë civile Ardit Cikulin, që nga Durrësi me Super-Iglin dhe deri në Korçë me profesore Ledina Aliollin.
Ne do të fitojmë në Elbasan, që Elbasani t’i japi mendje të gjithë Shqipërisë, siç i ka dhënë gjithmonë, prandaj kemi dhe një profesor si Luçiano Boçi, një superkandidat.
Bashkë Fitojmë!
