Një i ri në Greqi është shpallur në kërkim, pasi qëlloi në ajër me dy pistoleta.
Ngjarja ka ndodhur në Ano Liosia, në rrugën Phylis, kur gjatë një feste të Pashkëve ku burri ka qëlluar në mes të rrugës, të paktën gjashtë deri në shtatë herë.
Sipas SKAI-t, video e të shtënave është publikuar pak orë pasi një 72-vjeçar mbeti i plagosur nga një plumb qorr në Menidi. Duke tërhequr pantallonat, ai zbuloi se një plumb i kishte rënë në këmbë.
Ai është dërguar në spital për ndihmën e parë dhe është në gjendje të mirë shëndetësore. Është konstatuar se plumbi ka ardhur nga një pistoletë 9 mm.
