Keisi Medini, vajza simpatike e këngëtarit të njohur Sabiani, u bë banorja e radhës që u eliminua nga Big Brother Vip Albania.
Bukuroshja bionde la mbrëmjen e kaluar shtëpinë duke braktisur garën dhe çmimin e madh prej 100 mijë eurosh.
Ajo ishte në nominim me disa konkurrentë të tjerë si Bledi Manen, Luiz Ejllin, Jori Dellin, Elvis Pupën dhe Nita Latifin.
Pas largimit të Keisit nga loja, ka reaguar edhe Sabiani, i cili gjykon se është një vendim që u mor nga produksioni pasi jeta e së bijës u kthye në telenovela, ndoshts prej historive me Kristin dhe dinamikave pas hyrjes së Lorenc Hasramës.
Këngëtari shprehet se nuk beson se e ka nxjerrë publiku, por gjithsesi është i lumtur që ajo u kthye në shtëpi.
