Paris Saint-Germain ka mundur 3-1 Lens-in në shtëpi në javën e 31-të të kampionatit francez dhe ka hedhur një hap shumë të rëndësishëm drejt titullit duke shkuar nëntë pikë larg vendit të dytë.
PSG-LENS – KARTONI I KUQ – VIDEO
Episodi i parë i rëndësishëm i sfidës që po zhvillohet në Parkun e Princave ka ardhur në minutën e 19-të me një karton të kuq direkt që është marëë nga Samed për një ndërhyrje të frikshme ndaj Hakimi-t.
12 minuta më mbrapa ka ardhur edhe goli i parë i ndeshjes i shënuar nga Kylian Mbappe me një finalizim të bukur. Në të 36-ën minutë ka ardhur dhe dyfishimi i avantazhit për vendasit me një gol shumë të bukur të Vitinha-s.
Një gol historik për Mbappe, i cili tani është bërë golashënuesi më i mirë në historinë e Paris Saint-Germain në Ligue 1 me 139 gola të shënuar në total.
Në të 40-ën ka ardhur edhe goli i tretë i vendasve i realizuar nga Lionel Messi pas një kombinimi shumë të bukur me Kylian Mbappe brenda zonës së rreptësisë.
Në pjesën e dytë ka ardhur goli i nderit për miqtë. Një gol që është shënuar me penallti nga Frankowski, i cili ka mposhtur Donnarumma-n me një goditje të fortë me të djathtën duke fiksuar shifrat në 3-1.
Klasifikimi:
