Abdul Temitope ka afruar Skënderbeun me kthimin në Kategorinë Superiore. Skuadra korçare ka marrë pikët që i nevojiteshin përballë Korabit dhe i afrohet edhe më shumë mundësisë matematike për t’u kthyer në elitë.
Temitope shënoi dy herë në portën kundërshtare, në fillimin e secilës pjesë loje dhe kaq u mjaftoi korçarëve për një sfidë shumë të rëndësishme ndaj një skuadre e cila po ashtu ka synime në play-off që të luftojë për ngjitjen.
Megjithatë, ndalesa e radhës e Flamurtarit e shkëput me 5 pikë nga vlonjatët dhe ia bën më të thjeshtë kthimin në elitë ekipit të Gvozdenoviç i cili ka siguruar një distancë të ndjeshme.
Fiton edhe Dinamo, duke hedhur një tjetër hap të rëndësishëm drejt ngjitjes direkte në Kategorinë Superiore.
Blutë e kryeqytetit fituan me shifrat 1-0 ndaj Besës.
Skuadra e Dritan Mehmetit ka zhvilluar një ndeshje shumë të mirë në sulm ndaj kavajasve, duke iu afruar disa herë golit, të cilin e gjeti vetëm në fundin e pjesës së parë me atë në Patrik Bardhit.
Më pas, ajo administroi mirë lojën, duke thumbuar disa herë para, por pa arritur që të dyfishonte shifrat, e duke lënë të hapur deri në fund sfidën.
Megjithatë, kavajasit nuk ia dolën të shënonin në rastet që krijuan e si rrjedhojë, në fund ndeshja u mbyll me rezultatin 1-0 për Dinamon që “blindon” vendin e dytë në renditje.
Rezultatet e ditës në Kategorinë e Parë:
