Një 36-vjeçar ka rënë në prangat e Policisë pasi ka goditur me sende të forta një person në Vlorë.
Autori M. H., banues në Vlorë gjatë një konflikti për motive të dobëta jashtë ambienteve të një lokali në lagjen “Osman Haxhiu”, ka goditur me sende të forta, 41-vjeçarin e identifikuar me inicialet H. M.
Nën hetim është edhe Xh. B., pronarja e lokalit ku ndodhi konflikti.
“Specialistët për Hetimin e Krimeve të Komisariatit të Policisë Vlorë arrestuan në flagrancë shtetasin M. H., 36 vjeç, banues në Vlorë, pasi dyshohet se gjatë një konflikti për motive të dobëta, jashtë ambienteve të një lokali në lagjen “Osman Haxhiu”, ka goditur me sende të forta, shtetasin H. M., 41 vjeç, banues në Vlorë.
Gjithashtu për këtë rast, u referuan materialet në Prokurori dhe nisi procedimi në gjendje të lirë për shtetasen Xh. B. (pronarja e lokalit ku ka ndodhur konflikti), për veprën penale “Prishja e qetësisë publike”.”-njofton policia.
Materiat i kaluan Prokurorisë për veprime të mëtejshme.
