Deputeti i PD Ervin Salianji, komentoi çështjen Beccetti si edhe kërcënimet e kryeministrit Edi Rama për daljen nga Arbitrazhi, në emisionin “Kjo Javë” në News24.
“Kërcënime me lugë çaji”, kështu i ka quajtur Salianji deklaratat e kryeministrit Rama.
Gjatë intervistë në studio me gazetaren Nisida Tufa, Salianji u ndal edhe tek VKM për konfiskimin e pronave, për të cilën tha se është një marifet i Ramës për të goditur kundërshtarin politik.
Pjesë nga biseda në studio:
Konfiskimi i pronave me VKM:
Salianji: Sot është një debat i kotë është një marifet që qeveria kërkon për të fituar kohë. Unë mendoj që gjyqtarët që kanë etikë profesionale do të kenë integritetin e duhur për ta rrëzuar. Që kryeministri të konfiskoi prona bie ndesh me të gjitha liritë dhe të drejtat. Rama përjashton nga gjoba e ndjekje penale shkelësit dhe këto i përdor për të goditur kundërshtarin politik. Nuk ka ku qëndron kjo VKM. Ky është një prej rasteve që tregon nëse do të ndikojë në perceptimin e publikut në drejtësi, por besoj që në këtë rast do të jepet një vendim në përputhje me Kushtetutën. Shqipëria sot është e ngarkuar me miliona euro në Arbitrazh. Muaj përpara i kam dërguar një shkresë avokatit të shtetit për të ditur se sa është detyrimi dhe nuk mora përgjigje. Qeveria ndaloi një komision hetimor për çështjen e Beccettit dhe për këtë arsye nuk lejon drejtësinë të veprojë. Pra fjala e Edi Ramës për këta është ligj.
Çështja Becchetti dhe kërcënimi i kryeministrit Edi Rama se do të tërhiqet nga Arbitrazh, si e shihni?
Salianji: Kërcënime me lugë çaji, Rama këtë bën. Qytetarët shqiptarë për faj të Ramës do të paguajnë si çeçoja miliona euro. Qeveria nuk pret që të marrin vendime gjykatat por bën kërcënime mbyll TV dhe sot detyron shqiptarët të paguajnë miliona euro. Rruga Tirana-Elbasan ka kushtuar aq para që është me tunele. Pra për çdo shkelje që bëhen në të tilla raste duhet të mbajë përgjegjësi ai që ka shkelur. Nëse do të ishte drejtësi sot, do të kishte hetime.
I druhet Rama humbje të çështjeve të tjera në Arbitrazh?
Salianji: Rama i ka të humbura të gjitha ngjarjet. për faj të Edi Ramës, shembja e Prestigjit ishte një rast tjetër, u godit në shkelje të ligjit. Do të jenë miliona euro që do të ndalohen tek qytetarët shqiptarë. Pushteti nuk është i përjetshëm as për diktaturat. Edi Rama ka treguar që përveç vetes të gjitha të tjerat i shet.
Premtimet e Ramës për rritje pagash?
Salianji: Nuk besoj se Rama i josh dot shqiptarët, por po tregon dështimin e qeverisë. Pagat rriten mbi bazën e rritje ekonomie. Janë premtime kot sepse është të tentosh të ngopësh qytetarët me lugën bosh
Escobar në Tiranë. Si i lexuat mesazhet e tij?
Salianji: Fakti që Escobar vjen para zgjedhjeve e jep mesazhe tek klasa politike, tregon se SHBA janë të fokusuar tek Shqipëria. Një nga mesazhet më të rëndësishme që dha ishte që SHBA kanë marrëdhënie me qytetarët shqiptarë pavarësisht klasës politike.
