Kreu i Partisë Demokratike, Sali Berisha dhe Partia e Lirisë, në siglën e koalicionit “Bashkë Fitojmë do të çelin sot fushatën elektorale për zgjedhjet lokale të 14 Majit.
Mitingu hapës do të mbahet në ambientet e stadiumit “Air Albania”, ku është bërë thirrje për pjesëmarrje masive nga ana e qytearëve dhe mbështetësve të opozitës.
Fushata e opozitës sot do të çelet me sloganin “Ndryshimi në duart e tua” opozita do të nisë zyrtarisht rrugëtimin drejt 14 majit.
Ndërkohë është bërë publik dhe spoti për çeljen e fushatës fushatës, ku përmes mesazheve ftohen qytetarët të marrin pjesë në mitingun e kësaj të shtune. Në videon e spotit bëhet një retrospektivë se si mbërriti PD e rithemeluar deri këtu.
Nga takimet e Foltores, te Kuvendi i mbajtur po në stadium, te zgjedhjet e primareve ku kandidatët për kryebashkiakë u zgjodhën nga vetë anëtarësia. Në mitingun e sotëm pritet të ketë 17 folës, ku padyshim koha më e madhe do të jetë për dy kryetarët e koalicionit, Berisha e Meta, por edhe për kandidatin për bashkinë kryesore të këtyre zgjedhjeve, Belind Këlliçi për Tiranën.
Mesazhet e spotit të PD:
“Ejani të shtunën, 15 prill 2023 ora 12:00 në stadium!
Rikthehemi në ‘Arenë’, aty ku nisi Rithemelimi!
Më të fortë për mbrojtjen e pluralizmit e demokracisë!
Më të hapur me kandidatët e dalë nga vota juaj!
Më të bashkuar të gjithë ata që nuk janë marrë peng nga pushteti!
Ndryshimi në duart e tua!
#BashkëFitojmë”
