Komisioni i Pavarur i Kualifikimit, KPK shpalli të premten më 14 prill 2023 vendimin për shkarkimin nga detyra të Gjyqtares së Gjykatës së Shkodrës, Izabela Radovani. Vendimi u mor nga trupa e KPK e kryesuar nga Olsi Komici, me relatore Firdes Shulin dhe anëtare Xhensila Pinen.
Gjatë seancës dëgjimore më 12 prill, Radovani dha shpjegime për mospërputhjet në deklarimin e pasurive, mungesat financiare për krijimin e tyre, si dhe për transaksionet për një apartament, të kryera në emrin e saj – pasuri për të cilën tha se nuk kishte lidhje. Ajo e vlerësua pozitivisht për pastërtinë e figurës, ndërkohë që dha sqarime për disa çështje të denoncuara nga publiku dhe media.
Izabela Radovani e ka nisur karrierën në sistemin gjyqësor si ndihmësgjyqtare në vitin 1996 dhe në vitin 2000 u emërua gjyqtare në Shkodër, ku dhe punoi prej më shumë se dy dekadash.
/Reporter.al
