Festa e Pashkëve, ka mbledhur të gjithë besimtarët katolikë, pranë familjes, teksa radhë të gjata automjetesh janë shënuar mesditën e sotme në Pikën Kufitare të Kakavijës dhe të Kapshticës.
Në të dyja anët e kufirit vijon fluksi i emigrantëve që vijnë në Shqipëri, por edhe kësaj here për shkak të sporteleve të pakta që kanë qenë në dispozicion nga pala greke, radha ka qënë kilometrike.
Sipas të dhënave nga Drejtoria e Kufirit dhe Emigracionit gjatë 24 orëve të fundit në Kakavijë ka patur një fluks prej rreth 5000 personash në hyrje të Shqipërisë dhe 4000 në dalje. E po ashtu, mbi 5000 qytetarë kanë hyrë edhe nga Kapshtica.
Por ndryshe nga Kakavija, në Kapshticë po punohet me 5 sportele, 4 në dalje dhe 1 në hyrje.
