Në një konferencë për mediat, kreu i Partisë së Lirisë Ilir Meta zbuloi detaje nga takimi i zhvilluar dje me të dërguarin e SHBA-ve për Ballkanin Perëndimor, Gabriel Escobar.
Meta nënvizon se i bëri të qarta qëndrimet e PL-së, teksa shtoi se marrëdhëniet me SHBA-të do jenë të hapura dhe të vazhdueshme.
I pyetur nëse ka marrë porosi të veçanta për aleatin e tij Sali Berisha sa i përket zgjedhjeve të 14 Majit, Meta refuzoi të jepte një përgjigje konkrete, por theksoi se kandidatët e Primareve janë zgjedhur sipas një gare demokracie të brendshme dhe të njëjtin model do të aplikojnë në bashkitë ku do të fitojnë.
“Përmes komunikatës zyrtare i kam bërë të qarta çështjet kryesore dhe qëndrimet e PL-së. Marrëdhëniet tona janë të vazhdueshme dhe të hapura me SHBA-të. Kemi marrëdhënie të vazhdueshme në Tiranë dhe në Uashington. Është e rëndësishme që SHBA-të janë të përkushtuara për parimin e demokracisë në Shqipëri, nivelin e korrupsionit dhe të mbizotërojë demokracia dhe vullneti i lirë. Jam i bindur se kyebashkiakët e opozitës që vijnë përmes një procesi të jashtëzakonshme, Primaret, do të jenë zëdhënës të shkëlqyer të institucioneve ndërkombëtare, si USSAID që ndihmojnë për të realizuar projekte. Parimet që ata do të udhëhiqen janë të transparencës dhe e qeverisëses së mirë. Koalicioni ‘Bashkë Fitojmë’ do të dalë fituese”, tha Meta.
