Në seancën e sotme në Kuvend pritet të miratojhet shpërndarja e fondeve nga KQZ-ja për partitë politike në kuadër të fushatës elektorale për zgjedhjet lokale të 14 majit.
Shifrat që do të përfitohen grupi Alibeaj i cili zotëron vulën e PD-ja janë kundërshtuar nga deputeti Tritan Shehu, i cili e konsideroi këtë një vjedhje, ose formë shpërblimi nga qeveria për përçarjen e opozitës. Gjatë fjalës së tij Shehu tha se kjo është vjedhje që po bëhet dhe se sipas tij po përfitohen para nga disa paterica që sipas tij i shërbejnë kryeministrit Edi Rama.
“Keni një projekt vendim për fondet. Vjedhje masive, mund të kalojë kjo çështje pa u diskutuar në parlament. Është krijuar një situatë e tillë ku po përfitohen paratë nga ca paterica, është një mashtrim i atyre dhe një vjedhje e qeverisë për ti paguar ata”, tha Shehu.
Kujtojmë se KQZ në mbledhjen e djeshme publikoi fondet që do të marrin partitë politike. PS do të përfitojë rreth 151.49 milionë lekë, ndërsa Grupi Alibeaj do të përfitojë 106.6 milionë lekë të reja.
