Mbështetja për Enkelejd Alibeajn, mbajtësin e vulës së Partisë Demokratike, vijon e rrudhet. Këtë të Hënë, një tjetër kandidat i grupit Alibeaj për zgjedhjet lokale të 14 Majit, është dorëhequr.
Kërkesën në Komisionin Qendror të Zgjedhjeve e ka paraqitur një ditë më parë Mark Ruçi, kandidat për Bashkinë e Mirditës, i cili shkruan në dokument se vendimi lidhet me “arsye personale dhe familjare”.
Burime nga dega lokale thonë me dije se Ruçi do të mbështesë kandidatin e koalicionit “Bashkë Fitojmë” për zgjedhjet lokale.
Dorëheqja e Ruçit është paraprirë nga disa të tilla më herët.
Pas tërheqjes së Ruçit, mbeten vetëm 15 kandidatë për kryetarë bashkie që garojnë më 14 maj për grupin Alibeaj.
Përveç kandidatëve, distancim nga Alibeaj ka pasur edhe nga disa deputetë të Partisë Demokratike, të cilët më herët e kanë mbështetur.
Kandidatët e tërhequr
- Lezhë – Sandër Marku
- Krujë – Sabah Sheta
- Librazhd – Bujar Vreto
- Vorë – Ibrahim Bruka
- Kurbin – Genc Doçi
- Korçë – Gjergji Gjata
- Mirditë – Mark Ruçi
Lexo edhe:
Tërhiqet një tjetër kandidat i grupit Alibeaj, i dyti brenda ditës
