Liverpool tërhiqet nga gara për Jude Bellingham. Ky është lajmi që vjen nga The Guardian, këtë të mërkurë.
Aktualisht në vendin e tetë në Premier League, The Reds po përgatiten për një revolucion të vërtetë në verë dhe pronarët nuk kanë ndërmend të shpenzojnë 150 milionë për një lojtar të vetëm, duke qenë se skuadra ka nevojë për shumë ndërhyrje.
Drejtuesit i kanë idetë e qarta për repartet ku kanë nevojë për lojtarë. Sipas asaj që shkruhet, Liverpool do kërkojë për një qendërmbrojtës, një mbrojtës të djathtë dhe një mesfushor me tipare mbrojtëse.
Në korridoret e zyrave të ekipit anglez përmenden edhe emra, të cilët mund të afrohen në “Anfield”. Mason Mount (Chelsea), Moises Caicedo (Brighton), Matheus Nunes (Wolverhampton) dhe Ryan Gravenberch (Bayern Monaco) kanë përfunduar në listën e drejtuesve të klubit.
Sa i takon Bellingham, ky është një lajm i mirë për Real Madrid, klub ky i cili është i fiksuar pas lojtarit dhe tashmë do të ketë një rival më parë në garën për të siguruar shërbimet e mesfushorit të talentuar të Borussias së Dortmund.
