Janë mbyllur pjesët e para të dy sfidave çerekfinale në Champions League.
Në Angli, aty edhe ku është vëmendja më e madhe, Manchester City kryeson 1-0 përballë Bayern Munich.
Djemtë e Pep Guardiolas iu “falën” një goli spektakolar të mesfushorit Rodri, me këtë të fundit që mposht portierin Yann Sommer me një goditje potente nga distanca në minutën e 27’-të të sfidës.
Vetëm 7 minuta më vonë, në protagonist u kthyer zvicerani i portës së “bavarezëve”, Yann Sommer, i cili i mohoi një gol “të sigurtë” mesfushori gjerman të “qytetarëve”, Ilkay Gundogan.
Tashmë pritet një pjesë e dytë spektakolare me “bavarezët” që kërkojnë baraspeshën, ndërsa “qytetarët” kërkojnë thellimin e rezultatit.
Ndërkohë në Portugali, Benfica dhe Interi i janë drejtuar dhomave të zhveshjes me rezultatin e bardhë 0-0.
Zikaltrit kanë dominuar plotësisht ndeshjen por pa arritur të gjenin rrugën e rrjetës.
