“Sulm me motive politike” e ka konsideruar kreu i PD-së së Vaut të Dejës, Benard Ndreca, shpërthimin me tritol të makinës së tij tip “Audi” në orën 07:10 të paradites para oborrit të banesës së tij në fshatin Paçram.
Ashtu siç Ndreca tregoi para mediave, janë dy persona të maskuar që përreth 7 minuta në orën 1:15 të natës, montojnë lëndën palsëse në pjesën e përparme të “Audi-t”, që shpërtheu sapo ai e ndezi dhe u nis për në punë.
Në pamjet e siguruara nga kamerat e sigurisë të montuara në banesë, dy personat e maskuar i afrohen ngadalë, sapo kishte kaluar mesnata makinës së kreut të PD-së në Vaun e Dejës dhe i vendosin eksplozivin, madje duke përdorur edhe një krik për të ngritur në peshë makinën.
Një prej personave shtrihet në tokë nga ana e djathtë e makinës, për të vendosur eksplozivin, ndërsa tjetri e ruan dhe asiston.
Sakaq, në një video të dytë shihet momenti kur makina e Ndrecës shpërthen.
Kreu i PD-së së Vaut të Dejës e ndez makinën dhe për një fraksion sekondash ngjit shkallët e banesës, me shumë gjasë për të veshur këpucët, siç ka treguar deputeti Zef Hila për mediat dhe më pas kthehet dhe i hipën mjetit.
Sapo makina nis të lëviz, eksplozivi aktivizohet dhe shpërthen. Pranë makinës ndodhet edhe nëna e Benard Ndrecës, e cila i shpëton mrekullisht forcës së shpërthimit, ndërsa është e para që i vjen në ndihmë të birit për të nxjerrë nga automjeti.
Ajo dëgjohet duke i thirrur të birit: “Nard mor..Nard mor… Ah e mjera unë”.
LEXO EDHE:
E rëndë/ Hidhet në erë me tritol makina e kreut të PD-së në Vaun e Dejës (FOTO)
Atentati me tritol/ Flet kreu i PD: Sulm politik, bashkinë s’e mbani dot me presione
