Kreu i Partisë së Lirisë, Ilir Meta deklaroi sot një nga shqetësimet më të mëdha të shprehura prej qytetarëve në komunikimin e një dite më parë ishte rritja e taksave dhe rritja e çmimeve.
Gjatë bashkëbisedimit me qytetarët, Meta zotohet se koalicioni “Bashkë Fitojmë” ka gati planin që të “ulë taksat dhe koston e jetesës”.
Postimi i plotë:
“Të dashur miq. Ishte kënaqësi komunikimi me ju dje në rrjetin social Facebook. Një nga shqetësimet më të mëdha të shprehura prej jush ishte rritja e taksave dhe rritja e çmimeve në Tiranë dhe në të gjithë Shqipërinë.
Ne e kemi dëgjuar zërin tuaj. Ne e mbështesim shqetësimin tuaj. Prandaj ne kemi gati planin që ul taksat, që ul koston e jetesës dhe që i jep hov zhvillimit të ekonomisë.
Ulja e taksave vendore dhe ulja e kostove të jetesës nis me votën tuaj për Koalicionin “Bashkë Fitojmë” në 14 Maj”, shkruan Meta.
