Një ngjarje e rëndëështë shënuar në jug të Brazilit. Mediat e huaja raportojnë se 4 fëmijë në një kopësht privat në qytetin Blumenau në Brazil, janë sulmuar për vdekje nga një i panjohur. Raportohet se një burre i armatosur i cili mësohet se ishte nën efektin e kokainës, ka kapërcyer gardhin e kposhtit dhe ka vrarë 4 fëmijë, e plagosur 5 të tjerë.
Mes viktimave janë 3 djem dhe 1 vajzë. Ata ishin 5-7 vjeç. Pas ekzekutimit, vrasësi është arratisur me motoçikletë. Mirëpo më pas ai është vetëdorëzuar në polici.
“I dyshuari është përballur me policinë të paktën katër herë. Në mars 2021, ai plagosi njerkun e tij me thikë. Dhe në korrik 2022, ai u kap nga policia nën ndikimin e kokainës”, tha shefi i policisë Ulisses Gabriel.
Kur prindërit e fëmijëve mësuan për sulmin, ata nxituan në kopsht, duke iu lutur Zotit që t’i mbante gjallë fëmijët e tyre.
“Është shumë i zemëruar sepse ai arriti atje lehtësisht. Nëna ime jeton matanë rrugës dhe dëgjoi britmat. Ajo e pa atë nga ballkoni dhe ishte e dëshpëruar. Një krijesë kaq e neveritshme. Ne kujdesemi për fëmijët tanë me një dashuri të tillë dhe një ditë një i çmendur thjesht merr jetën e asaj që është më e dashur për ty”, u ankua gruaja.
“Isha i mbushur me dëshpërim. Fillova t’i telefonoja burrit që të vinte këtu, sepse nuk kisha si të dilja nga puna. Ai më merr gjithmonë. Kështu që i kërkova kolegut tim një udhëtim – hipëm në një motor dhe fluturuam këtu. Por, falë Zotit, burri tashmë kishte marrë vajzën e tij. Ai arriti të vinte këtu i pari”, tha nëna e kopshtit.
Motivi i kriminelit është ende i paqartë.
“Ne po bashkëpunojmë me psikologen e policisë. Ne do të bëjmë një analizë psikologjike të këtij personi në mënyrë që të krijojmë një model sjelljeje të kriminelëve të cilët eventualisht mund të kryejnë krime të tilla. Ne do të krijojmë një sistem profili për ta. Ne do të analizojmë sjelljen e mëparshme të individëve të rrezikshëm dhe do të kontrollojmë nëse ata kanë gjasa të përsërisin krimet. Sidomos ata që janë të lirë”, tha shefi i policisë.
Në qytet është shpallur zie 30-ditore. Mësuesit duke bërë homazhe për viktimat në kopshtin e fëmijëve thanë se nuk do të mund të harrohet kurrë tmerri që përjetuan.
